(Видео) Лорена и Алисија мамат воздишки во песната „Яка е жена ти“

После мегахитот од претходната година „Грешка“, бугарската пејачка Лорена пред неколку дена го претстави својот прв дует со познатата бугарска попфолк дива Алисија, кој носи интересен наслов „Яка е жена ти“.

„Песната е еден многу квалитетен проект и како музика и како текст и како видео реализација и исклучително многу ме радува нејзиниот успех“. – сподели Лорена за нас.

Песната е дело на нашиот композитор Јоранчо Василкоски-Oцко, со текст на Лора Димитрова, Александар Попов и Петар Петров. Режисер на видеото, во кое имаме можност да ги видиме двете изведувачи во една малку поразлична светлина, демонстрирајќи умерена доза на сексапил е дело на Станислав Христов – Стенли.

„Најважно е да се претстави квалитетна продукција. Публиката има свој вкус и таа решава што ќе се слуша и смело можам да кажам дека не е потребно да бидат познати автори, ние имаме многу талентирани композитори и писатели. Повторно велам дека желбите на публиката се најважни и од нив зависи колку едно парче ќе биде прифатено и затоа ние се трудиме да предложуваме песни по нивни вкус“ – категорична е Лорена, а целото интервју со неа може да го прочитате во делот Интервју.