ЕКСКЛУЗИВНО: Драгана Мирковиќ со голем концерт во Скопје!

Големиот концерт на мега популарната Драгана Мирковиќ, кој е дел од нејзината голема европска  турнеја “Еден од милион”, по повод промоцијата на нејзиниот најнов музички албум и опфаќа вкупно 19 градови, ќе се одржи на 19-ти мај (петок) со почеток од 21 часот, во Арена „Борис Трајковски“ во Скопје, како што пренесуваат организаторите на настанот т.е продукциските куќи Skymusic и Music Edition.

Фолк дивата имено започна со своја промотивна турнеја, веднаш после излегувањето на нејзиниот  музички албум “Еден од милион” во јануари оваа година, и кој веднаш после појавата започна да нижи голем успех. Во меѓувреме, таа објави дека е готова и со дуетската песна „Trovanje" со колегата Даниел Докиќ, за која беше снимен и видеоспот, во кој за прв пат ќе ја видите пејачката со променет изглед. 
Што се однесува до концертот во нашата држава, после две децении конечно нејзините фанови дочекаа да одржи концерт кај нас, на кој ќе ги испее своите најголеми хитови, како и песните од нејзиниот последен музички албум, а Драгана ветува незаборавна забава. 
Спектакуларната бина и продукција ќе бидат само дел од многубројните изненадувања за нејзините фанови оваа пролет. Влезниците за концертот ќе бидат пуштени во продажба, од понеделник 20-ти март преку продажната мрежа kupikartizase, пренесуваaт од muzika24.

Автор - Наташа Секуловска