(Видео) Елена Велевска ја воодушеви бугарската публика

Елена Велевска и Борис Дали го претставија својот прв заеднички дует „Ще си моя“, во официјалниот канал на телевизија „Планета“ во YouTube – PlanetaOfficial, како и во ефирот на „Планета Тв“.

Песната излезе денес, како поклон за роденденот на Борис Дали, кој во моментот е на турнеја во Америка. Двата исполнители на музичката продуцентска куќа „Пайнер“ се запознаа на заеднички настап во Струмица, каде што и идејата за дуетот се роди спонтано.

Песната „Ще си моя“ е по музика на Getoar Selimi, аранжман на Боби Павлов, додека пак текстот е дело на Росен Димитров. Режисер на високобуџетниот спот е Љубомир Иларионов – Љуси. Фановите веднаш после премиерата на песната, започнаа со позитивни коментари отценувајќи ја како еден од хитовите на Пролет 2017 година, не криејќи го своето задоволство од тоа што и за прв пат имаат можност да ја видат Елена како рапува, со што спотот бележи се поголема гледаност на YouTube. 

Но, исто така нашата најпозната пејачка не запира. Пред два дена го пушти долгоочекуваниот спот за песната  „Погледни ме за край“ по „Планета Тв“, која на публиката и е добро позната од музичката новогодишна програма на „Планета Тв“. Потсетуваме дека музиката е дело на Роберт Билбилов, текстот на Огнен Неделковски, а режисер на спотот е Томато продукција.

Во прилог, погледнете ги спотовите за песните „Ще си моя“ и „Погледни ме за край“.

Автор - Наташа Секуловска

Фото - Лична архива