Интервју: Маја Беровиќ: „Размислувам да направам солистички концерт“

Импресивно убава, интригантна и талентирана, Маја Беровиќ  е меѓу имињата на естрадата кои смело воведуваат иновативен дух во современата музика на Балканот, но и пошироко. За кратко време стана ценета и барана, вооедно редејќи хит зад хит.  Од  екслузивното интервју кое ни го даде за нас, ќе може да научите голем број информации поврзани околу нејзиниот најнов музички албум „Viktorijina tajna“, дали подготува солистички концерт или пак нов сингл.

Здраво Маја. Навистина е чест, што сте наша гостинка повторно. Наскоро  се навршуваат скоро шест месеци од излегувањето на вашето CD -“Viktorijina tajna”, во издание на “Imperija“. Какви се реакциите на публиката за овој долгочекувани шести албум по ред, кој е по многу работи поразличен од претходните албуми?

Кога со некои луѓе од мојот тим ги пуштивме песните за да ги преслушаме, морам да признам дека бевме по малку изненадени, бидејќи правецот кој досега сум го негувала, беше сосема поинаков. Јас бев меѓутоа сигурна во новите песни и знаев дека ќе бидат прав погодок. Доказ за тоа се и реакциите на публиката. Дискотеките во кои настапувам се полни, а публиката ги пее сите песни хорски, така да тоа е најдобар покажувач за успехот на ова cd.

Колку има вистина во гласините дека вашите односи со Дамир Хандановиќ не се веќе како порано, бидејќи сте одлучиле да на новото CD да соработувате со Јала Брат и Буба Корели? Фановите на естрадата зборуваат се и сешто, а ние објективно прашуваме, дали беше пресуден хит синглот „To Me Radi“ кои се издвои помеѓу многуте песни, или пак сингловите „Pauza“ и  „Izvini tata“, кои беа во соработка со Дамир? Дали тоа имаше влијание на вашиот работен однос?

Да, се пишуваше дека сме во лоши односи и јас во однос на тоа, во една прилика и зборував во едно интервју. Вистината е дека јас и Дамир сме во добри односи и нема ни трага од кавга од било каков тип. После дуетската песна „To Me Radi“, јас посакав да го променам правецот. Јала и Буба беа тие кои ми понудија она што ми одговараше и тоа всушност пресуди во мојата олдука да го променам тимот, што секако не значи дека нема во следниот или некој друг албум повторно да соработувам со Дамир.

Имате успешен тим веќе со години и секој си ја знае својата работа, што е очигледно, бидејќи објективно сте една од ретките имиња која има комплетно претставување на новиот производ. Се доаѓа ли понекогаш до некои несогласувања, преплет на идеи, кој тука финално одлучува, бидејќи на естрадата многу е тешко да се има еден тим од почеток, а да не се повторувате со идеите?

Да, тоа е точно. Мислам дека успехот лежи во тоа дека никој не се меша во туѓиот дел од работата, па и поради тоа не доаѓа до несогласувања, со обѕирот дека секој си го знае своето место, што е многу важно за една долгодогишна соработка. Секој од нив си ја работи својата работа и си има право да изрази свое мислење или предлог за некој нова идеја, али секако на крајот одлучувам јас што сакам од тоа.  Најголема подршка всушност ми е мојот сопруг, со кој најмногу се советувам кога се во прашање важни работни одлуки.

Со песната „Mala lomi“ започнавте нов музички правец во својата кариера. Што ве поттикна за да го направите тоа?

Секогаш го осеќам „пулсот“ на публиката  и во однос на тоа и ги носам конечните одлуки.

Баладата “Broj” е со прилично емотивен текст, што е по мое мислење и една многу силна порака, иако одамна владее мислење дека во комерцијалните песни секогаш пораките се лесни, што јас со тоа не се согласувам. Како се роди идејата за таа песна, дали е намерно правена или направо ја препознавте емоцијата која ја нуди, како дел од материјалот за новиот албум?

Таа песна ми е понудена како таква и морам да признам дека всушност емоцијата ме привлече во неа. Бев сигурна дека публиката ќе ја прифати одлично, што се покажа и точно.

Ако не се лажам, прва сте на овие простори која со самото излегувањето на албумот, објавивте и видеозаписи за сите песни и со тоа направивте трансформација, да  започнат сите да прават artworks за речиси секоја песна. И со овој албум продолживте по тој пат што е и логично. Дали дојде до промена на тимот во тој поглед, бидејќи ова е трет албум кој го промовирате со комплетни видеозаписи, ама овој пат отидовте еден чекор понапред, бидејќи споменатите artworks се не повисоко ниво?

Многу сметат дека тие работи не се важни, ама во мојот случај се повеќе од потребни. На прво mесто, затоа што јас сакам да ја испочитувам публиката, а на друго затоа што живеам на три различни локации и не ми останува многу време за гостувања по телевизиски емисии, па на тој начин телевизјата, посебно овие музичките, кои во последните две-три години баш најпопуларните, имат видеозаписи.

Кога сме веќе кај artworks не е можно да не се примети дека песната „Harem“ остана без видеозапис, поточно има само lyrics video, а една од првите песни која значително се издвои. Дали сте во план да и направите некоја тв-верзија или видеоспот и поради кои причини не се направени истите, бидејќи претходно споменавме дека сте првата која започна да ги промовираа албумите на ваков начин, а една од најслушаните песни остана без видеозапис.

Јас секогаш имам некои скриени планови, така да немојте да се сомневате во нив. Се шегувам секако. Размислуваме во тој правец. Голема е можноста дека публиката ќе ја израдувам со нов спот, али чекор по чекор.

Дали во меѓувреме подготувувате нови музички проекти и дали е можно повторно да не израдувате со нешто, што досега не е прикажано на овој музички пазар. Можеби некое LP издание, бидејќи тука носителот на звукот на голема врата се врати или пак можеби продолжено издание на албумот?

Мојот тим и јас секогаш зборуваме за новите планови и размислуваме околу новите работи, ама јас сум тип на човек кој сака да зборува за било што, додека не го реализирам. Не сакам баш многу да планирам, бидејќи тие планирани работи по неко непишано правило, често пати и не се исполнуваат. Она што со сигурност ќе се случи е некој нов сингл, е сега на кој ќе биди, ќе видиме. Искрено, ми се допаѓа тој предлог за LP издание. Никогаш не се знае.

Да, напомениме дека и на новиот албум сте повторно различна од колешките... "Viktorijina Tajna" е првиот албум од женски изведувач на овој пазар, кој има аудио и видео верзија во едно пакување. Како се родила идејата за тоа?

Кога одлучивме да ги работиме видеозаписите, сосема логично беше и публиката да добие аудио и видео верзија во едно пакување, и тоа се покажа како убаво изненадување и баш и се допадна на публиката.

Неодамна се вративте од турнејата во Америка. Колку концерти направивте таму?

Имавме осум концерти, али со оглед на интересот кои владеше, можевме да направивме уште толку. Меѓутоа, во Европа имавме доста договорени настапи, па засега ги испочитувавме тие осум за кои бевме договорени.

Која е разликата помеѓу пеењето на големата сцена пред многу луѓе и во клубовите, односно дискотеките?

Еуфоријата е поголема кога има повеќе луѓе, ама јас секогаш се трудам на секој настап да настапам професионално и да направам добра забава, без разлика дали настапот е во сала или дискотека.

Убаво е да ве видиме на една голема сцена, планирате ли можеби некој солистички концерт?

Да, секако дека размислувам за тоа и ќе биде, можеби следната година или после новото цеде, али за тоа, чекор по чекор. Ќе бидете навреме известени.

Од пред неколку месеци започнавте да бидите попровокативни во видеоспотовите, а вашите фанови реагираа позитивно на тоа. Која е причината за оваа трансформација?

Да, многу ме прашуваат за тоа, ама всушност не се провокативни видеоспотовите, туку јас ја променив сценската гардероба, која е малку попровокативна и поради тоа и луѓето ме доживуваат на таков, провокативен начин. Во секој случај, гледам дека им се допаѓа, бидејќи добивам многу пофалби секојдневно.

Покрај музиката, што вас ве мотивира да работите и да го исполните денот со позитивни мисли?

Мене ме прават среќна и мали работи и затоа секогаш пронаоѓам причина за среќа и насмевка. Се држам до позната изрека „какви ти се мислите, таков ти е и животот“. Сѐ во животот поминува брзо. Тој е прекраток за да бидеме тажни.

Според вас, што ја прави една жена навистина среќна?

Семејството, вистински и искрени пријатели, исполнетост со работа, насмевката на дргаи луѓе и среќата во нивните очи...малите работи праваат среќа.

Вие сте една од најубавите и најстилни пејачки. Дали би ни ја откриле тајната за убавина и женско совршенство? Или се е дар од Бога кој треба само убаво да се претстави :) ?

Тајната е здрава исхрана и физичка активност, меѓутоа морам да признам дека немам проблем и не сум склона кон дебелеење, иако пазам на исхраната. Исто така имам добар генетски код, кој го добив од мајка ми, која баш убаво изгледа за своите години.

Дали постои македонски изведувач со кој посакувате да направите дует или можеби овој пазар не ви е познат до таа мера?

Го почитувам секој мој колега, али не размислувам многу околу дуетите. Во мојата досегашна кариера имам три дуети и тоа со Јала и Буба. Според мене, треба многу работи да се поклопат за една дуетска песна. Првенствено мора да се има добра песна, потоа мора да ни се поклопуваат гласовите и енергите. Јас не сум од оние кои снимаат дуети по секоја цена. Не го правев тоа ни кога бев на почетокот и кога некоја популарна песна со познат колега ќе ми беше пресудна, па така да не сакам ни сега да работам по секоја цена, али ако се случи нешто добро, зошто да не.

Да ве очекуваме ли за брзо време во Македонија?

Би сакала и би се радувала на дружењето со македонската публика.

За крај, која е вашата порака кон сите обожователи и читатели на Estrada World?

Насмевката на лицето и колку и да изгледа тешко, да се борите за своите успеси, бидејќи секој труд во животот се исплаќа.

Интервју- Наташа Секуловска

Фото - Маја Беровиќ