Маја Беровиќ повторно на врвот! Погледнете го спотот „Легална“!

Босанската пејачка Маја Беровиќ ги израдува своите обожователи со својот новогодишен поклон.

Како и секогаш импресивно убава, интригантна и талентирана, таа  е меѓу имињата на естрадата кои смело воведуваат иновативен дух во современата музика на Балканот, но и пошироко. За кратко време стана ценета и барана, вооедно редејќи хит зад хит. Откако ова лето ги рушеше рекордите по гледаност на својот албум „Viktorjina tajna“ во музичкиот портал YouTube, како и по продажба, таа вчера го објави својот нов дует „Легална“, кој го сними заедно со нејзиниот колега Стефан Димитријевиќ – Леон.

„Кога прв пат ја слушнав оваа песна, таа во мене пробуди посебна енергија. Јас сакам песни кои ги чуствувам и кои мене на прво слушање ќе ме понесат, а оваа навистина е таква“ – сподели Маја.

За потребите на видеоспотот, кој го изработија  FM Play, сексапилната пејачка, снимаше во мртовечки ковчек, за што сподели пред медиумите:

„Секогаш сум целосно посветена на снимањето на секој спот и воопшто не ми паѓа тешко. Морам да признам, дека кога влегов во салата и го видов златниот ковчек цел со накит и дијаманти, едноставно се наежив целата. Си реков кога ќе бидам стара, на моите деца ќе им речам да ме закопаат на таков ист начин. Сакам тој ден да ја имам покрај себе целокупната шминка, накит и да бидам преубаво облечена. Буквално како во спотот. Идејата беше интересна и никој на нашите простори до сега нема вакво нешто направено, што посебно и ме радува“.

Во моментов песната е на врвот на топ листите низ Балканот, рушејќи рекорди на гледаност, со што Маја уште еднаш докажа дека кога се во прашање и дуетите, секогаш знае да направи хит кој долго ќе се памти и слуша.

 Автор - Наташа Секуловска