Елена Велевска го израдува семејството со патување за Нова година

Нашата најпозната фолк пејачка Елена Велевска оваа година реши да не настапува за Нова година, а своето семејство да го однеси на патување низ Европа.

Имено таа пред неколку дена со сопругот Маријан ја прославија десетгодишнината од нивниот брак, а со оглед на тоа што семејството е најважното нешто во животот на еден човек, таа реши да не настапува на најлудата ноќ, затоа што оваа година имаше многубројни гостувања надвор од Македонија, но и во соседна Бугарија каде што настапува за позната музичка куќа „Пајнер“, со што сега е вистинскиот момент да ги израдува своите најблиски со незаборавно патување, но пред се со нејзиното присуство за време на празниците.

„Изминатава година,како и предходните години речиси и да немав слободен ден. Колку и јас да се трудев семејството трпеше и баш поради тоа решив да не прифатам ниту една понуда за новогодишната ноќ и максимално да се посветам на семејството “.  – сподели Елена за нас.

Истовремено, за време на празниците публиката ќе ужива во промоцијата на нејзината нова песна „Прва во се“ со која настапи на Роса фестивалот, но и во прекрасната музичка програма која ја сними со ИН ТВ, додека пак по Планета Тв во Бугарија фановите ќе уживаат во нејзините песни и настапот на спектакуларниот концерт во Пловдив оваа година. Ексклузивно за нас, откри дека подготува многубројни изненадувања за своите фанови идната година, а што точно ни има подготвено останува да видиме, но со сигурност ќе биде нешто спектакуларно со што повторно ќе ги освојува музичките топ листи.

Автор - Наташа Секуловска