Ексклузивно: Джена извади „Албум на годината“!

Популарната бугарска пејачка Джена, по повод десетгодишната од нејзината музичка кариера, одлучи да ги израдува обожователите со два нови албуми. Првиот албум кој излезе претходната седмица беше народниот, кој е вооедно и прв од таков тип во нејзината кариера и го носи насловот “Срещна ни хорото”, а другиот “Да ти бъда корона“ кој е со попфолк тематика, излезе на музичкиот пазар денес и може да се купи во сите музички продавници низ Бугарија, како и да се порача онлајн.

Албумот содржи 10 песни, кои излегоа во последниве три години и е во издание на музичката продукциска куќа „Пајнер“, со што без сомнение ќе го носи епитетот „Албум на годината“ судејќи по гледаноста на песните во музичкиот портал YouTubе, но сигурно и по неговата продажба. Джена како и секогаш, се справи одлично и понуди проект на највисоко можно ниво, со нови спотови, одличен тим на соработници, а резултатите веднаш започнаа да ја воодушевуваат публиката.

Албумот премиерно ќе биде претставен на  21 декември, кога Джена има закажан настап во познатиот Megami Club  во Софија, а наредните денови потоа и во останатите градови во соседна Бугарија.

Во прилог, преслушајте ги песните кои се содржани во него:

Автор - Наташа Секуловска

Фото - Теди Грозданов