Цветелина Јанева: Се враќам на музичката сцена во јануари

Цветелина Јанева се повлече од музичката сцена пред речиси една година, кога за последно се појави на концертот на телевизија „Планета“ во ноември 2016 година, а потоа во јануари ја пушти баладата „Убий ме“.

„Не си зедов одмор само поради бременоста. Мојот последен настап беше на концертот на „Планета“ во ноември, а настапите ги прекинав пет месеци пред тоа. Имаше моменти кога ми недостасуваше сцената, бидејќи јас живеам со музиката, но сега се е во ред!“ – сподели пејачката за прв пат после раѓањето на своето прво дете во август оваа година, пред бугарското списание LOVE style за кое сними и ексклузивна божиќна фотосесија нагласувајќи дека овој Божиќ и е најспецијален досега, затоа што ќе го дочека заедно за прв пат со својот син.

Официјално соопшти дека се враќа на музичката сцена на 22 фебруари на големиот концерт на радио „Веселина“ во сала „Арена Армеец“ во Софија, но нејзините обожователи ќе имаат можност да го видат нејзиниот нов видеоспот кон чисто нова песна кон крајот на јануари месец идната година. Но, екслузивно сподели дека по повод десетгодишнината од нејзината кариера планира да направи нешто грандиозно, но засега сака да запази во тајна, што ќе биде тоа.

„Со мојот тим веќе 90% сме готови со идејата за видеоспотот, но ќе го снимаме дури тогаш кога ќе бидам во подобра форма. Песната ќе биде наменета за забави, затоа што последната ми беше балада и оценив дека е најдобро да се вратам на сцената со едно подинамично парче“ – дополни таа.

Открива дека за време на бременоста качила 25 килограми, кои ги добила затоа што цело време лежела, но во моментот  упорно вежба за да биде во топ форма.

„Во моментов не конзумирам речиси никакви јагехидрати и слатко. Основно сум на протеини и зеленчуци“.

Автор - Наташа Секуловска

Фото - Love Style