(Видео) Катарина Живковиќ подготвува нов музички албум „Porok“

Српската пејачка Катарина Живковиќ ја воодушеви публиката, откако после малата кратка пауза, овој месец издаде три нови песни - “Moze ti se sve”, “Gori sve” и “Ti ne me vidis”, а наскоро во продажба се очекува да излези нејзиниот нов музички албум “Porok”, за чии потреби сними и уште едно ново видео.

Песната “Moze ti se sve” е дело на Виолета Михајловска и Никола Бардак, а видеото го направија Tropical LifeIsFun. Што се однесува до “Gori sve“ е музичко парче на Дејан Костиќ и Јована Радосавлјевиќ, а видеото на Royal Films. Покрај нив, третата песна “Ti ne me vidis“ е балада, чиј видеоспот излезе пред една седмица, а со која пејачката уште еднаш докажа дека е препознатлива по нив, не оставајќи никој рамнодушен со својот глас и моќта за пренесување на емоции.