„Изкушение“ е новиот музички предлог од Јаница

Сексапилната бугарска пејачка Јаница, која последниве четири години е на врвот на најбараните попфолк пејачки во соседна Бугарија, но и пошироко, ги израдува своите многубројни фанови со чисто нова песна.

„Изкушение“ е музичкото најново парче во нејзиниот репертоар, кое е по музика на Diamond Beat Production, додека пак за текстот, таа се довери на Росен Димитров и Анастасија Мавродиева. Режисер на провокативниот спот е Георги Марков. За нејзиниот сексапилен изглед овој пат се погрижија-Панче Димитриев (стајлинг), Васил Петровичин (коса) и Цецо Андреев (шминка).

Во меѓувреме, Јаница се подготвува и за спектакуларниот годишен концерт на телевизија Планета, кој оваа година ќе се одржи во Пловдив на 28 ноември од 19,00 часот по бугарско време.