(Видео) Драгана Мирковиќ, Джена, Алисија - се дел од многубројните ѕвезди кои и приредија изненадување на Преслава!

На 26 јуни бугарската ѕвезда на музичката продуцентска куќа „Пајнер“ и телевизија „Планета“ – Преслава, прославува свој роденден, со што уште од раните утрински часови се радува на многубројни честитки и подароци, покажувајќи дека е опкружена од вистински пријатели, кои ја прават сакана и среќна.

Нејзината сестра Ивелина Колева беше една од првите кои ја изненадија пејачката со емоционалните пораки:

"Среќен роденден! Сакам да те гледам крај мене - бунтовна, возбудена, секогаш различна и понесена од нови и нови идеи. Ти си една навистина возбудлива жена која заслужува љубов и многу среќа во животот! Ти ги посакувам од срце! "

Но, во нејзината официјална страница во Facebook беше објавено роденденско видео, во кое балканската ѕвезда Драгана Мирковиќ ги воодушеви сите, откако и посака роденденска честитка на својата колешка.

„Мила Преслава, многу поздрави од Италија, од трката за ретро автомобили. Морам да ти кажам дека имаш одлични пријатели кои се погрижија многу да те израдуваат со оваа порака. Среќен роденден! Од срце ти посакувам сите твои желби да се исполнат! " – сподели таа.

Исто така, Преслава ја поздравија и многубројните роднини, пријатели, но од видеопораката се гледа дека  и свои поздрави испратија нејзините колешки Джена, Андреа и Алисија.

Тимот на Estrada World и посакува многу здравје, среќа, љубов и уште многу повеќе музички успеси!

Видео

Автор - Наташа Секуловска