Ексклузивно: Глорија руши рекорди по продажба со новиот албум „Любовта настоява" и својата прва книга „До последната усмивка“

Глорија - „Любовта настоява" 

После пет години од издавањето на последниот албум на бугарската попфолк дива Глорија – „Пясъчни кули“ (Песочни кули), таа одлучи своите многубројни обожователи да ги израдува со нов албум кој го носи насловот „Любовта настоява" (Љубовта инсистира), а која песна  се претвори во најслушана балада  во соседна Бугарија за 2018 година.

Галина Иванова, која сите ја познаваме како пејачката Глорија, цели 25 години е на музичката сцена и интересот кон неа не престанува, затоа што отсекогаш се истакнува со посебен стил и индивидуалност. Всушност, нема потреба од многу претставување, нејзиното име зборува многу за неа. И мали и големи ги слушале и продолжуваат да ги слушаат нејзините песни, бидејќи е една  од оние пејачки коишто оставиле длабока трага во времето.

Глорија - „Гост не си“

Албумот беше пуштен во продажба на 5-ти декември, а  еден ден по неговата премиера веднаш беше распродаден, факт што доволно говори за неговиот голем интерес кој го предизвика. Тој содржи 17 песни создадени низ последните пет години, а во него се вклучени и народните песни „Ангеле – Дяволе" (Ангел - Ѓавол), „Любовта не е играчка" (Љубовта не е играчка) и „Лудо младо" (Лудо младо).

Три од песните се чисто нови и беа претставени премиерно во официјалниот канал на ѕвездата во YouTube – GloriaOfficial, а тоа се баладата „Гост не си“ (Гостин не си), која е снимена на островот Тасос во соседна Грција, „Очите не лъжат" (Очите не лажат) и ремиксот на стариот златен хит  „Скъпи, купи ми нещо", ft. Устата (Драги, купи ми нешто).

Новиот албум на Глорија за љубителите на носач на звук достапен е во форма на CD и може да го купите и од продавниците на „Пайнер"  низ Бугарија, како и да се порача во еMAG, а е достапен  и на сите дигитални платформи.

Глорија - „Любовта настоява" 

Исто така, познатата пејачка ја издаде својата прва книга, која ја претстави на 13-ти декември и секој читател ќе го најде одговорот самиот на прашањата кои си ги има поставено во врска со нејзиниот живот. И тој ќе го искористи она што го прочитал, во своја подготвеност, да ги открие вистините на животот во животот на другите. Имено, во својата биографија, „До последната усмивка“ (До последната насмевка), Глорија ја открива и нејзината јачина на карактерот и нејзините слабости, сомнежи, стравови. Книгата може да ја порачате на следниот линк. 

Глорија на промоцијата на својата книга

Автор - Наташа Секуловска

Фото - Планета ТВ

ГЛОРИЯ - "ЛЮБОВТА НАСТОЯВА"

1. Любима
2. Гост не си
3. Очите не лъжат
4. Скъпи купи ми нещо
5. Добре Дошла Скитнице
6. Не те давам
7. Докосването има памет
8. Любовта настоява
9. Полудяваш по мен
10. Нюанси сиво
11. Обичай ме такава
12. Не лъжи на колене
13. Няма кой да ме спре
14. На по добрите стрелци
15. Любовта не е играчка
16. Лудо младо
17. Ангеле Дяволе