Роксана подготвува дует на српски јазик!

Роксана важи за изведувачка со запазена марка за висок квалитет и одлична музика, проследена со стил и класа, а која секогаш знае пријатно да ги изненади своите обожователи.

„Имам околу десет различни песни од различни композитори, некои се самостојни, некои дуетни и ми е тешко да изберам со која да се претставам, затоа што сите ми се допаѓаат многу. Подготвувам и дует со еден неверојатен млад пејач од Србија, за кој најголемите музички ѕвезди таму не ги „штедат“ своите коментари кога е во прашање тој. Имено Никола Ајдиновиќ – Шеќерчето, како што го нарекува Јелена Карлеуша е дел до најголемата музичка компанија Гранд продукција. По нашата песна веќе работи познат српски композитор, со кој разменивме идеи и со нетрпение ги очекувам првите звуци на парчето“ – откри ексклузивно за нас позната бугарска пејачка.

„Имам песна и од познатиот ваш трубач - Џамбо Агушев по кој аранжман во моментов се работи, како и песни од композиторите Даниел Ганев и Мартин Биолчев и навистина ми е тешко да изберам што прво да претставам во Новата Година“- дополни таа.

Покрај многубројните настапи овој период и подготовката на нови песни, Роксана успеа да одвои малку време и по повод Новогодишните и Божиќните празници ги израдува своите обожователи со нова фотосесија, која е дело на фотографот Ганчо Чурков.