Ексклузивно: Преслава се врати на музичката сцена

Бугарската мега музичка ѕвезда – Преслава, откако на 14-ти септември стана мајка за прв пат и на свет ја донесе својата ќерка Паола, одлучи да ги изненади своите обожователи со премиера на нова песна придружена со видеоспот.

Песната „Да гори в любов“ беше промовирана на 28-ми септември по телевизија Планета, како и во нејзиниот официјален канал во YouTube – PlanetaOfficial, регистрирајќи над 700.000 прегледи за нецели два дена.

Музичкото парче наиде на одлични позитивни коментари од страна на публиката, а исто така можат да се прочитаат и многубројни пофалби за одличниот изглед и стајлинг на бугарската попфолк дива.

„Да гори в любов“ е по музика и аранжман на Даниел Ганев, а текстот е на Анастасија Мавродиева и Росен Димитров. Режисер на видеото е Људмил Иларионов – Љуси, кој овој пат одлучи видеоспотот да го сними во Lighthouse Golf & Spa Resort – Балчик, Бугарија, прикажувајќи неверојатен поглед кон Црното море.