(Видео) Бони со нова хумористична песна „Вирус и секс“

Бони

Бугарската пејачка Бони, која е добро позната на македонската публика ги изненади своите обожователи со нова песна, која носи наслов „Вирус и секс” и е во контекст на ситуацијата во која се наоѓаме поради пандемијата со коронавирусот.

Песната во официјалниот канал на Бони во YouTube – Boni (Official) бележи рекордна посетеност со над 200.000 прегледи за неколку дена и е дело на самата пејачка и писателот Јордан Гергов, додека пак за аранжманот се погрижи композиторот Дејан Асенов. Видеото е режисирано од страна на режисерот Добромир Николов и е со хумористична тема, сѐ со цел да ги развесели луѓето поради состојбата во која се наоѓаме.

Бони

„Пријатели ви ја претставувам мојата нова песна „Вирус и секс“. Не случајно избрав да биде претставена на 23-ти април, затоа што тоа е меѓународен ден на книгата и авторското право. И макар што пролетта оваа година е поспецијална и невесела, сакам новата песна да ве потсети дека и покрај се, животот е убав“ Насмевнете се!“ – изјави таа.

Во прилог, погледнете го видеото: