Ексклузивно: Рајна ја дочека 2018 година со нов народен албум

Бугарската пејачка Рајна во првите денови од новата година ги израдува своите обожователи со четвртиот народен албум, кој го носи насловот „Тешко мина младоста“, насловен по истоимената песна, која таа ја запиша во 2015 година и до денес претставува прецедент во народната музика со над 5.000.000 прегледи во официјалниот канал на телевизија „Планета“ во YouTube.

Албумот содржи 14 песни и веќе се наоѓа на музичкиот пазар. 10 песни во него се од пиринскиот крај, додека пак песната „Дъще моя“ е по музика на авторот Красимир Христов, а три од песните се исто така авторски дела  на основачот на МФГ “Годлево“ – Теофил Гешев, со кој Рајна во овој албум вклучи четири дуети и тоа: „Тешко мина младоста“, „Зошто пиеш пријателе“, „Песна за младоста“ и „Коњче си изнесов“. Петтиот дует  „Јовано, мори Јоване“ е со Малин Домозетски. 

Автор - Наташа Секуловска