Ѕвездата на македонската сцена Елена Велевска е најновото музичко име во бугарската музичка компанија "Пайнер".
Пејачката, која ја разби претставата за поп-фолкот и со златни букви во историјата на македонската музика го запиша своето име, потпиша договор со најголемата музичка компанија во Бугарија. Таа како и секогаш - провокативна, оригинална, неповторлива, уште откако ја сними својата првата песна "Сонувам" на 15 години, целосно ја освои публиката со нејзините хитови и староградските песни, и одлучи својата кариера да ја продолжи во соседна Бугарија.
Имено за потребите на празничната Новогодишна програма "Ноќ на ѕвездите" на телевизија "Планета" која беше снимена во хотелот „Маринела“ во Софија, таа се претстави со чисто нова песна која се вика “Погледни ме за крај“.Овој месец Елена ќе снима и видеоспот за песната со режисерот Стојан Стојановски и неговиот тим од "2S" студио. Песната е по музика и аранжман на Роберт Билбилов и текст на Огнен Неделковски и само пред една недела беше претставена во нашата земја, со што предизвика позитивни коментари.
Иако сите се прашуваат како е можно од 24 часа на ден да мислиш за работа 25, Елена е категорична дека додека гледа дека луѓето ја сакаат и имаат потреба од нејзините песни- за неа нема запирање.
Автор - Наташа Секуловска
No comments