(Видео) Румина изненади со својот прв Best MashUp

 

Румина одлучи оваа пролет да ги израдува обожователите со нешто различно од се што досега имавме можност да слушниме од неа, а во последно време е доста актуелно да се прави MashUp.

Станува збор за нејзиниот прв Best MashUp,  во кој се вклучени нејзини најголеми хитови, почнувајќи од почетокот на нејзината кариера до нејзиниот последен тотален хит „Ти си тук“, а имате можност да ги слушните во поинаков аранжман  песните „Ало, вижте” , „Жестоко”, „Нека позная”, и „Казах ти”, кои наидоа на одличен прием кај публиката.

„Моите обожователи секогаш ме подржуваа и точно знам кои песни им се најомилени. Затоа одлучив да го направам овој MashUp. А,  „Ти си тук“ е омилена песна од последните мои проекти и задолжително сакав да ја вклучам во MashUp -от. Едноставно, да има песни од целата моја кариера“ – изјави Румина за нас, дополнувајќи зошто песните како „Пий една студена вода", „Секси кукли“,„Имаш моето сърце", „Късно се сети", "Двойно по-голям", „Махни си ръката“ не се вклучени во овој проект : „За Mashup, песните треба да се во еден ритам, така да не можам да изберам песна која јас ја сакам, за да ја вклучам.“

Видеото покрај во програмата на Фен Тв, може да го гледате и во YouTube  каналот на телевизијата, а исто така достапен е и на следниот линк https://orcd.co/ruminabestmashup.

Автор: адв.м-р Наташа Секуловска

Фото: Фен Тв/ Ara Music