(Видео) Сања и Александар Талески го промовираа својот дует „Брат и сестра“

 

Импресивно убава, интригантна и талентирана, Сања Ристеска  е меѓу имињата на македонската естрада кои смело воведуваат иновативен дух во народната музика и попфолкот.

И покрај ситуацијата со пандемијата, таа одлучи својата публика да ја израдува со нешто ново, за кое се надеваме дека ќе ви се допадне и на вас. Станува збор за дует со Александар Талески, кон емотивната песна „Брат и сестра“, која до овој момент ги воодушеви слушателите на овој жанр на музика не само кај нас, но и пошироко.

Музичкото парче за кое сме сигурни дека ќе претставува вреден бисер во македонската народна музика и до овој момент се радува на огромен интерес, само броени часови по неговата  премиера е реализирано во продукција на INTV, со музика и аранжман на Флори Манев, текст на Александар Талески, саксафон Кире Иваноски-Мената, а  видеоспотот е снимен  на две локации и  тоа едната локација е во куќата на старата градска фамилија Стомнароски, а другата локација е Мариовски дел.

„Пребирлива сум, при избор и не сум баш лесна за соработка...перфекциониста сум, сакам беспрекорност, сакам убав ритам, лесен и певлив текст, да биде прифатлив за широкиот аудиториум. Сите песни си раскажуваат своја приказна, со која повеќе или помалку сум поврзана...“- сподели за нас Сања пред извесно време во екслузивното интервју кое го направивме.

Во прилог погледнете ја песната:

Автор: адв.м-р Наташа Секуловска

Фото: ИН ТВ