Секси и провокативна: Џесика Палашоска сними спот за песната „Готово е“

Џесика Палашоска е готова со нејзиниот нов музички проект кој го носи насловот „Готово е“ и ќе биде претставен со видеозапис наскоро. Песната е по музика и аранжман на Дејан Момировски, додека пак текстот е дело на Борче Нечовски.

За потребите на спотот пејачката својата руса коса која и е заштитен знак со години, по иницијатива на нејзиниот стилист Зоран Шурбески решила да се појави со црна коса и да се претстави во малку поинакво светло, од она во кое ја имаме видено досега.

-„Си се допаѓам како црнокоса, но русата коса не ја менувам за ништо. Отсекогаш сум била и ќе си останам секси русокоса“ – изјави Џесика за весникот „Вечер“.

Всушност, нејзината најнова песна ќе биде најава за нејзиниот прв музички албум кој треба да излези следниот месец.

- „Албумот веќе е готов и промоцијата е закажана за идниот месец. Со овој спот ја најавувам неа. Текстовите од песните ги потпишува Борче Нечовски, музиката и аранжманите се на Дејан Момировски и презадоволна сум од нашата соработка“ – дополнува пејачката за “Вечер“.

Ексклузивно за нашиот сајт ќе имате можност да погледните неколку фотографии од снимањето на спотот кој се снимаше во Охрид и Струга.