Глорија одржа неверојатен концерт во Кавадарци

Бугарската дива Глорија во саботата одржа неверојатен концерт во Кавадарци. Многубројна публика се собра во Night Club ''Al Pacino'', каде што пејачката беше специјален гостин и уште еднаш докажа дека неслучајно е изведувач, чие име е синоним на перфекционизам во секој поглед.

Ѕвездата на музичката компанија "Пайнер" имаше подготвено специјален музички репертоар за публиката, кој ги вклучуваше освен нејзините најголеми музички хитови, како и многубројни македонски народни песни. Глорија продолжува со своите концертни настапи, но паралелно со тоа сериозно се подготвува и за својот јубилеен концерт, кој ќе се одржи на 30 септември во Сала 1 на НДК во Софија.