Трагедија! На 21 година не напушти бугарскиот изведувач Денис Теофиков

 

На 24-ти октомври згасна животот на најталентираниот изведувач во соседна Бугарија - Денис Теофиков и тоа само на 21 година.

Неговата прерана и неочекувана  смрт први ја потврдија неговите продуценти од компанијата „Пајнер“, кои излегоја со соопштение со јавноста дека Денис почнал, не откривајќи ги деталите, бидејќи во моментот има отворена истрага од страна на нивното министерството за внатрешни работи кое работи на расветлување на случајот. 

Според неофицијални извор Денис се самоубил, скокајќи од 7- миот кат од станот на неговата девојка Алекса Ангелова, но низ интернет пространството излегоја и различни верзии, обидувајќи се на негов грб да си прават пари и да му го валкат името, немајќи ни грам почит спрема покојниот.

Денис за нас беше посебен, бидејќи секогаш беше насмеан, позитивен и весел и тешко е човек да поверува дека истиот се самоуби бидејќи бил западнат во тешка депресија, како што пренесуваат некои од порталите во соседна Бугарија. Го очекувавме  со нетрпение да направи една забава во Македонија, затоа што истиот ни имаше и ветено во интервјуто кое го направивме со него во текот на 2019-та година и ви го претставивме облиску.  Ќе го памтиме по неговата харизма, по вечните хитови кои ги остави зад себе и изгради име кое заслужува да се памти вечно.

Неговиот погреб ќе се одржи на 29-ти октомври во 12 часот на градските гробишта во Софија, а ние искажуваме големо сочувство до семејството на Денис.

Почивај во мир Денис Теофиков, сега светиш највисоко на небото!

Автор: Адв.м-р Наташа Секуловска

фото: Лична архива

©Estradaworld.mk Забрането преземање и копирање. Крадењето на авторски текстови е казниво со закон.