Ексклузивно: Двојно изненадување од Джена оваа есен

 

Оваа есен за бугарската попфолк дива Джена, која на македонската публика и е добро позната и по многубројните хитови и настапи кај нас, ќе биде запамтена со златни букви и на професионален план, но и на личен.

Пејачката ја избра дата 17-ти ноември за на музичкиот пазар се појави нејзиниот долгоочекуван попфолк албум со наслов „Чуй ме” (Слушни ме), кој е 6-ти по ред во нејзината дискографија, а во време кога интернетот е наше секојдневие, вистински луксуз е неговото издавање зад кој стојат нејзините продуценти Марија и Митко Димитрови од најголемата музичка  продуцентска куќа „Пајнер“ во соседна Бугарија.

Албумот ги содржи последните песни на Джена  после издавањето на нејзиниот албум во текот на 2017-та година, односно вкупно 11 песни, од кои најновата „Чуй ме” веќе се врти по програмата на телевизија Планета и е дело на композиторот Даниел Ганев, со текст на Анастасија Мавродиева, Росен Димитров, Соња Ангелова и Джена и до овој момент има над 600.000 прегледи во официјалниот канал на Планета Тв во YouTube - PlanetaOfficial. Неговиот неверојатен успех, беше продолжен и со песната „Нощите на теб ми ухаят” дело на  Велислав Драганински и Петја Радева, претставена со уникатно лирик видео за кое обожователи не ги штетат своите суперлативи дека Джена повторно има нов албум кој ќе биде испишан со златни букви во историјата на попфолкот.

„Започнав да работам по новата песна “Чуй ме” уште во текот на летото, но поради боледувањето ми од Covid 19, за жал мораше да се одложи нејизното излегување“ - сподели изведувачката ексклузивно за www.planeta.tv.

Исто така, убавите вести од неа продолжуваат. Джена овој викенд објави слика на социјалните мрежи со која потврди дека со нејзиниот сопруг Атанас Стоев се во очекување на нивното второ дете. Парот во текот на 2017-та година станаа родотели за прв пат на малиот  Атанас, а продуцентите  Марија и Митко Димитрови беа први што и ја честитаа радосната вест, проследени од колегите Преслава, Марија, Кирил Атанасов, Ивелина Колева, Јунона, Роксана, Тита, Магда, Лорена, Десислава, како и многубројните обожователи ширум светот.

Тимот на Estradа World и посакува лесна бременост, а новиот албумот да ги сруши сите рекорди по слушаност кој ексклузивно ќе ви го претставиме утре веднаш по неговото излегување.

Автор: адв.м-р Наташа Секуловска

Фото: Планета ТВ

©Estradaworld.mk Забрането преземање и копирање. Крадењето на авторски текстови е казниво со закон.