(Видео) Погледнете како Роксана ја изненади својата колешка Драгана Мирковиќ

 

Бугарската пејачка Роксана важи за една од најсаканите пејачки не само во Бугарија, но и од скоро време во соседна Србија, каде што има изнесено многубројни концерти, а нејзината песна „Кралица“ покрај што доби премиера во Grand, таа се врти и по програмата на ДМ САТ ТВ, сопственост на мегапопуларната Драгана Мирковиќ.

Имено, Драгана пред два дена одржа незаборавен концерт во Видин, Бугарија соборувајќи рекорд на посетеност, каде што  и покрај личната покана, за жал Роксана не успеа да се сретне со својот музички идол, но во знак на почит и испрати огромен букет од 120 рози и плишано мече, кој подарок лично го прими Драгана и и се заблагодари на својата колешка за вниманието, преку видеоразговор:

„Бидете живи, здрави, благословени и среќни. Ви посакувам да останите вака убава и добра особа и да знаеш дека во мојот живот си пример за успешна жена, пејачка, мајка и личност. Не ја сакам само вашата музика, но го сакам и вашиот начин на живот, на размислување, затоа што сте голема ѕвезда и во моето срце сте една вредна личност. Вие сте како книга која секоја страница е тешка, затоа што е испишана со љубов. Бескрајно  ве сакам и ќе се радувам оваа година да се видиме на новогодишната програма на ДМ САТ ТВ, каде што ќе ве прегрнам и ќе ја отпеам мојата „Кралица“, посебно за вас кралиците“, за што Роксана излезе со соопштение во нејзините официјални профили во социјалните мрежи:

„После дванаесет години на големата сцена, после толку концерти и средби со моите обожователи, после толку награди за прв пат осетив како е да ти бие срцето како лудо. Тоа е најголемата награда во мојата кариера. Не можам да ви опишам како се чуствувам“.

Ова е уште еден доказ, дека за музиката и пријателството не постојат граници, а дали двете мегаѕвезди ќе не изненадат и со свој дует, останува да видиме.

Автор: адв.м-р Наташа Секуловска

Фото: Лична архива